الوحدة

كتير مننا حس بالوحدة

بس صعب اوى ان الواحد يحس بالوحدة وسط الناس

ايا كان الناس دى بتحبه ولا لا

بس بتحس بالوحدة

بتحس ان مهما كان الناس حواليك فانت لوحدك

كأنك عايش فى ملكوت تانى

....

الاحساس بالوحدة حاجة صعبة

بس الاصعب منه انك تبقى مضطر تبقى لوحدك

انه يبقى مفروض عليك تبقى لوحدك

حتى لو الدنيا كلها حواليك

ساعات الوحدة بتبقى كويسة بين وقت للتانى

بس مش طول الوقت

...

الوحدة صعبة اوى

اوعوا تتعودوا عليها

Only Questions ?? !!

Dear Void


I just wanna to send questions to the void

why all the dreams become a nightmare

Why all what you don't want to be happened occured

Why you have to accept fait accompli

Why you have to be strong when you actually weak more than anytime

Why you have to be happy when you have a great pain inside yourself

Why you have to live when all what you want live for is gone

Why all of that happened

...

I know there is no answers .. there are only questions

So, No One has the right to blam

No One has the right to talk

No One has the right to say any rubbish

No one has the right to make anything

Because there is no such a thing can anyone stand

Because No one can feel the suffer

...

I just wanna to send this questions to the void

So,Good Bye Dear void

There is no answers to my questions

It is just the destiny

SO Enjoy the LONG SILENCE

You will be in a great Silence

ShShOsH

Silence for the rest of your life

Because you are actually dead however,you still breathing

هو وهى

اكيد فى ناس كتير مهتمة بعلاقة الراجل والست

انا مش قصدى الزمالة بين الاتنين لانها فى الاخر كل واحد بيبقى عارف اخره مع التانى ايه

انا قصدى ايه اللى بيدور عليه كل واحد منهم فى التانى ؟؟

ازاى لما يجى حد يدق الباب نعرف ان هو ده فعلا مش اى حد غيره ؟؟

...............

قبل كده كنت متخيلة الجواز ده يعنى اهو جواز وخلاص

اى واحد بيروح يتقدم لاى واحدة وبيحصل نصيب وخلاص

لكن بعد كده بدات الدنيا فى دماغى تاخد شكل تانى خالص

الاتنين دول هيبنوا حياة جديدة مش مجرد بيت وخلاص

هيبنوها سوا .. واى حاجة هيعملوها هيبقى الاتنين متفقين عليها

................

سبحان الله ربنا قال فى كده "وجعلنا بينهم مودة ورحمة"

وقال كمان"وجعلنا بينكم ميثاقا غليظا"

علاقة الاتنين ببعض مش كأى علاقة تانية

............

مش عارفة بس انا شايفة ان اى بيت لازم يقوم على حاجتين مهمين جدا

هما اللى هيجيبوا بقية الحاجات

الحب والدين

لما يبقى الاتنين مقومين حياتهم على الحب والدين

الحياة دى هتبقى ما هو اقرب للاعتدال

واى حاجة تانية ممكن تيجى طالما الحياة مبنية على الاساس ده

..............

اكيد طبعا فى ناس كده

بس اكتر مثال للاتنين ممكن يكون علق معايا عندهم نفس التصور اللى بتكلم فيه ده فى مسلسل يوميات ونيس لو تعرفوه

ونيس ومراته كان بينهم حب وهدف و تفاهم غريب

حتى فى اول المسلسل كان فى جملة انا تقريبا حفظاها عن ظهر قلب

"اتفقت انا وزوجتى ان نربي ابنائنا على الاخلاق والقيم كى نقدمهم للمجتمع ابا عظيما واما فاضلة"

-->اتفقت انا وزوجتى<--

ياه لما الاتنين يبقوا متفاهمين كده وعندهم نفس الهدف وبينهم الحب

اللى يخليهم قادرين يقفوا قدام اى حاجة فى الدنيا مهما كانت صعبة

طالما ان الاتنين سوا ومقتنعين ببعض تمام الاقتناع

....................

زمان كنت متخيلة ان لازم وحتما ولابد ان البنى ادم اللى يجى ده لازم

يبقى جاهز

فيه كل حاجة انا حطاه فى البنى ادم اللى عايزة اكمل معاه

لكن اكتشفت بعد كده انه مش لازم يبقى كده

ممكن يبقى تفصيل

اه لازم يبقى فيه الصفات الاساسية اللى انا عايزاها

والباقى هنقدر نكمله سوا

.............

فى الاخر عايزة اقول ان العلاقة بين الرجل والست محدش عمره هيفهمها

بكل جوانبها

بس كل واحد ممكن يقع فى حدوتة تفهمه ولو جزء من العلاقة دى

بس عارفين .. لما تلاقوا حد بيحبكوا اوعوا تتخلوا عنه

عشان ممكن متلاقوش زيه تانى

حد تبقى قدامه بمظهر وبوش غير مظهرك ووشك قدام اى حد تانى

حد تبقى قدامه كانك قدام نفسك فى المراية

.........

يلا فاصل ونواصل

مع تحياتى

مواطنة مطحونة ومجنونة

رافضك يا زمانى

رافضك يا زمانى

يا اوانى

يا مكانى

انا عايز اعيش فى كوكب تانى

فيه عالم تانى

فيه لسه امانى

فيه الانسان

لسه انسان

عايش للتانى

دى كلمات اغنية قديمة حبتين تلاتة اربعة كده بتاعة مدحت صالح

لما كنت بسمعها زمان كنت بقول ايه الكلام الغريب ده

عايز يعيش فين ده .. فى حتة عمرها ما هتبقى موجودة !!

بس دلوقتى وبعد ما عدى وقت طويل اوى

لقيت نفسى بقول نفس كلام الاغنية

انا عايزة اعيش فى مكان فيه الانسان لسه انسان عايش للتانى

كل الناس بيجى عليها فترات حزن,اكتئاب .. يعنى الحاجات الحلوة دى

بس اسباب الحاجات دى بتبقى مختلفة من واحد للتانى

بس للاسف اغلب الاسباب ان لم يكن كلها راجعة لان البنى ادم اللى بيحس بكده بيبقى من خلال معاملته مع اللى حواليه

هتلاقيه بيعانى من انه مفتقد حد كان مالى جزء كبير من حياته

هتلاقيه حاسس بانه قعد ده كله مش فاهم الناس صح وفى الاخر اتسك على دماغه

يعنى اشياء من هذا القبيل

.....

انا مش عارفة ده صح ولا لا

بس انا يمكن ماشية بمبدا فى تعاملى مع الناس "عامل الناس كما تحب ان يعاملوك به"

انا مقتنعة بالمبدا ده جدا

ويا سلام بقى لما يجى معاه "حب لاخيك ما تحب لنفسك"

كده يا استاذ انت بقيت صيده سهلة جدا للناس اللى ميستحقوش كده

وياه بقى لو كنت مع المبدأين دول تتمتع بصفة الجدعنة

كده انت ممكن تفنى عمرك كله فى خدمة الناس وهتبقى مبسوط اوى

بس يا ريتك تختار الناس الصح اللى تعمل معاهم كده

.......

مختصر الكلام

عم مدحت صالح لما قال انا عايز اعيش فى كوكب تانى فيه الانسان لسه انسان عايش للتانى

انا بقوله فى ناس كده وفى العالم اللى احنا عايشين فيه ده

فى ناس تلاقيها بتتعامل معاك عشان تعامل ربنا فيك

بس المشكلة ان الناس دى لازم تلاقى ناس تانية زيها عشان تتعامل معاها نفس المعاملة دى وميتخدعوش فيهم فى الاخر

ولا الناس تفتكر ان تسامحك وحبك وصدقك وجدعنتك معاهم هو ضعف منك

بالعكس دى منتهى القوة

بس زى ما فى ناس كده فى ناس تانية عايزة تاخد ومتديش حاجة

حتى مجرد الاحساس بيبقوا مستنيناك انت اللى تديه

.........

وفى الاخر احنا عايشين فى دنيا "وهى بصراحة اسم على مسمى" فيها كل انواع البنى ادمين ومضطرين نتعامل معاهم

بس الوقعات اللى الواحد بيقعها علمته ميديش امان مطلق لاى حد .. عشان ميضربش على قفاه فى الاخر

هو احنا عايشين فى الدنيا اه

بس عارفين .. احنا اللى مخليين الدنيا وحشة كده

يلا نراكم عما قريب ... انتظرونا

مع تحياتى

مواطنة مطحونة

Hi EveryBody

ازيكم جميعا ..

قعدت وقت طويل اوى عشان اقرر انى اعمل المدونة دى ..

بس فى الاخر قلت طب ما الواحد يتكلم ويطلع اللى عايز يطلعه بدل ما يجى عليه وقت وينفجر ..

حتى ولو كان ده على ورق

وعملتها النهاردة .. يوم عيد ميلادى (:

.....

اكيد مستغربين من اسمها (خواطر مواطنة مطحونة)

هى غريبة شوية بس لما فكرت فى الاسم اللى ممكن احطه افتكرت حاجة كنت بقراها زمان

فلاش .. فاكرينها ؟؟ مش عارفة اذا كانت عديت عليكوا ولا لا

كان فيها شخصيات زى "علام,البحار الغبى,كابتن غريق,المواطن المطحون"

لقيتنى بكل اللى بيحصل فينا فى الكلية

واللى بشوفه فى رحلتى مع المواصلات

ورحلتى من اول ما اخرج من بيتنا لحد ما ارجعله تانى

زى المواطن المطحون اللى فى فلاش بالظبط

راجل مطحون اخر حاجة بس راضى

الدنيا تشيله وتحطه

وبرضه راضى

فانا فعلا وناس كتير زيي ..

انا مواطنة مطحونة

مطحونين بكل ما فى الكلمة من معنى

......

اكيد هكلمكوا عن فلاش دى تانى

لانها خلتنى هى وحاجات كتير افكر او اشوف مستقبلى بطريقة مختلفة

طبعا بتقولوا ازاى "فلاش" اللى عاملة زى ميكى كده تخللى حد يفكر فى مستقبله بشكل مخنلف

متستغربوش هكلمكوا فى ده قريب

يلا انا كنت بس بقدم ليكم مدونة جديدة ممكن تعجبكم

انتظرونا ..

مع تحيات..

مواطنة مطحونة