Wednesday, January 28, 2009

رافضك يا زمانى

رافضك يا زمانى
يا اوانى
يا مكانى
انا عايز اعيش فى كوكب تانى
فيه عالم تانى
فيه لسه امانى
فيه الانسان
لسه انسان
عايش للتانى
دى كلمات اغنية قديمة حبتين تلاتة اربعة كده بتاعة مدحت صالح
لما كنت بسمعها زمان كنت بقول ايه الكلام الغريب ده
عايز يعيش فين ده .. فى حتة عمرها ما هتبقى موجودة !!
بس دلوقتى وبعد ما عدى وقت طويل اوى
لقيت نفسى بقول نفس كلام الاغنية
انا عايزة اعيش فى مكان فيه الانسان لسه انسان عايش للتانى
كل الناس بيجى عليها فترات حزن,اكتئاب .. يعنى الحاجات الحلوة دى
بس اسباب الحاجات دى بتبقى مختلفة من واحد للتانى
بس للاسف اغلب الاسباب ان لم يكن كلها راجعة لان البنى ادم اللى بيحس بكده بيبقى من خلال معاملته مع اللى حواليه
هتلاقيه بيعانى من انه مفتقد حد كان مالى جزء كبير من حياته
هتلاقيه حاسس بانه قعد ده كله مش فاهم الناس صح وفى الاخر اتسك على دماغه
يعنى اشياء من هذا القبيل
.....
انا مش عارفة ده صح ولا لا
بس انا يمكن ماشية بمبدا فى تعاملى مع الناس "عامل الناس كما تحب ان يعاملوك به"
انا مقتنعة بالمبدا ده جدا
ويا سلام بقى لما يجى معاه "حب لاخيك ما تحب لنفسك"
كده يا استاذ انت بقيت صيده سهلة جدا للناس اللى ميستحقوش كده
وياه بقى لو كنت مع المبدأين دول تتمتع بصفة الجدعنة
كده انت ممكن تفنى عمرك كله فى خدمة الناس وهتبقى مبسوط اوى
بس يا ريتك تختار الناس الصح اللى تعمل معاهم كده
.......
مختصر الكلام
عم مدحت صالح لما قال انا عايز اعيش فى كوكب تانى فيه الانسان لسه انسان عايش للتانى
انا بقوله فى ناس كده وفى العالم اللى احنا عايشين فيه ده
فى ناس تلاقيها بتتعامل معاك عشان تعامل ربنا فيك
بس المشكلة ان الناس دى لازم تلاقى ناس تانية زيها عشان تتعامل معاها نفس المعاملة دى وميتخدعوش فيهم فى الاخر
ولا الناس تفتكر ان تسامحك وحبك وصدقك وجدعنتك معاهم هو ضعف منك
بالعكس دى منتهى القوة
بس زى ما فى ناس كده فى ناس تانية عايزة تاخد ومتديش حاجة
حتى مجرد الاحساس بيبقوا مستنيناك انت اللى تديه
.........
وفى الاخر احنا عايشين فى دنيا "وهى بصراحة اسم على مسمى" فيها كل انواع البنى ادمين ومضطرين نتعامل معاهم
بس الوقعات اللى الواحد بيقعها علمته ميديش امان مطلق لاى حد .. عشان ميضربش على قفاه فى الاخر
هو احنا عايشين فى الدنيا اه
بس عارفين .. احنا اللى مخليين الدنيا وحشة كده
يلا نراكم عما قريب ... انتظرونا
مع تحياتى
مواطنة مطحونة

9 comments:

آيـــ الله ـات said...

السلام عليكم
جزاك الله خيرا يا جهاد على المدونة
أنا واثقة إنك بإذن الله هتتحفينا بموضوعات جميلة أوى زيك بما إنك من هذه الشلة الفظيعة ....

بصراحة أنا معاكي فعلا .. الواحد يعمل إللي عليه .. مش لازم ينتظر حاجة من حد .. يعني مش عشان أنا هاديت حد حاجة يبقى لازم هو كمان يهاديني بنفس الحاجة .....
و مش لازم أدي عشان أخد .. ممكن أدي و ما أخدش ..
بس الفكرة .. إن لما الواحد بيقعد يدي يدي يدي يدي ... بيبقى محتاج حد يديه بجد عشان يقدر يدي تاني للي حواليه ...
فممكن يجي مرة و يقع لإنه مش قادر يدي تاني فعلا ...
جزاك الله خيرا كثيرا يا حبي
آيات

3abla said...

slam 3alekom
7elw el mawdoo3 ele enty katbah ya Ge we tab3an
zay ma ayat bt2ol keda
akeeeeeeeeeeeed hatet7efena be mawade3 gamda
kal3ada y3ne
ana moktane3a 2we be klamk
msh lazm el wa7ed ye3ml 7aga we yestana rad fe3l mn el 7ad ele howa 2ademlo el 7aga dy
bas 3arfa byegy e7sas keda sa3b 3and el wa7ed lma ye7es eno fedel ye2adem ye2adem ye2adem we msh shayef ay ta2ser bardo byb2a me7tag ye7es 7aga mn el sha5s ele howa 2ademlo dah ..... msh lazm ykon rad fe3l .... bas fe e7sas keda msh 3arfa bytwesef ezay eno btb2a 7aga 7elwa lma te7esy enk ele bt3mleh kowayyes ma3 7ad .... en el 7ad dah me2adaro sa7 .... aw 3la el 22l 7ases beeh
:) we 3la fekra enty w7shteny :):):) slaaam

Anonymous said...

Aywa Kda ....3yez Posts Mn de Kteer :D :D

Ana 3yze bas a2oel 7aga 3an el modow3

abel Ma t7komy 3la Person enno bya7'od we ma bydesh

es2lly shwyet as2lla:

howa el ensan elly by3mel kda ...f3eln asdo y3mel kda walla howa msh asdo we by3mel kda fe elly odamo we howa msh 7ases enno 3'altan ???

howa asdo f3eln ya7'od we ma ydesh walla howa aslan msh by3erf yedy ..aw ma3ndosh 7aga yediha ...

hal el person kda m3a kol el nas walla enty bas ....

ya tara howa byfker ezay ...byfker en dah elly by7'doh mn el nas dah 7a2 leh we lazem ya7'doh!!!
walla byfaker en howa 3ando sa7eb kewis awy awy le daragat enno ba2a msh 3erf y3mel ma3ah 7aga aw 7ata yrodlo goz2 mn elly el sa7b dah by3mlo ma3ah ashan msh 3erf
walla ma byfkersh aslan !!!!!

Law b3ed ma gawbty 3la el as2la de la2ety en howa f3eln ensan mot3med y3mel kda ....DON'T TALK TO THIS PERSON AGAIN ...

law ay 7aga tania 3'er kda ...
abel ma t2olly en el person dah 3'altan ...fakery feh howa ...hal howa aslan y2der y3mel elly enty bttlobh menno walla l2 ...

bas ....dah kol elly 3yez a2olo

Waiting for More Nice Posts From U :) :)

Yasmen Refaat said...

Mis Ge, wa fe rewaya Om $!kn
just wanna to say something 4 u

انا دلوقتي اكتشفت السر وراء جمال شخصيتك، انك بتنفذي حديت الرسول (ص) "حب لاخيك ما تحب لنفسك"، انا كمان بحب الحديث دا قوي، ومعاه بطبق حديث تاني بيقول:" المؤمن كيس فطن"

الحديثين دول مع بعض بيعملوا توازن لحياة الواحد من ناحية تعاملاته مع الناس، لان مش اي حد يتعامل زي اي حد تاني D:

hope it works with u as me :D

love u:x

Walaa said...

جى..أنا وجهة نظرى فى الموضوع ده مختلفة شوية ممكن تستغربيها بس بصى أنا طول عمرى حاساها وبطبقها فى حياتى, انتى لما بتتعاملى مع شخص ما انت من جواكى بتتعاملى معاه بأحسن شكل ممكن عشان ترضى ربنا سبحانه وتعالى بتديلله مشاعر جميلة وحب واخلاص وبتعامليه بأحسن ما يمكن ممكن آه عشان انتى بتحبى الشخص ده وبتحترميه بس فى سبب أكبر من ده وهو ان انتى بتعملى معاه كدا عشان خاطر ربنا عشان ده أخوك أو أختك فى الله مينفعش تشيلى من ناحيته حقد أو غضب أو ضيق أو غيرة أو الحاجات دى نيجى بقى لحتة انه مش بيقدر مش بيبادلك نفس المشاعر ممكن يكون أصلا ميستهلهاش ...انتى من جواكى متضيقيش خااالص لأن الغاية الكبرى لحسن معاملتك معاه كانت عشان خاطر ربنا قبل ما يكون عشان الشخص ده فحتى لو هو مقدرش وقابل الاحسان والحب بلإساءة ده المفروض ميأسرش فيكى خليكى ماشية فى طريقك بنفس مبادئك بجمال مشاعرك ومتغيريش نفسك عشان حد طلع ميستهلش اخلاصك.فى الآخر خالص أنا بعمل كدا عشانك انت بس يا رب وثواب حسن المعاملة والحب فى الله وحب لأخيك ما تحبه لنفسك هتخديه هتخديه لو فضلتى محافظة على الروح دى فى حياتك كلها دايما انتى تكونى الأحسن حتى لو اتقابل ده بإساءة وبردوا لازم تفهمى الناس صح عشان تقدرى تتعاملى معاهم صح ومش تتطبقى حديث عامل الناس بما تحب أن يعاملوك به لكن عاملى الناس بأكثر مما تحبى أن يعاملوك به وبإذن الله ربنا هيوفقك دايما ويرزقك بالناس اللى تقدر وتحس وتدى مش بس تاخد تتعاملى معاهم ويعينك وينصرك على النوع الآخر من الناس يا حبيبتى بس لأنك اخلصتى النية مع الله سبحانه وتعالى

MeRoOo said...

3la fekra ya GE l song de gamda gedan bgd wl post dh to7fa w akead fe nas msh tstaheal bas bardo fe bas koysa w msh tz3ale 3la 7aga koysa ante 3mlteha m3 7ad w deman 5ale neateak rabna 3lashan ta5de l thwab b3edan 3n 2y 7aga w 2y 7ad :)

Ayoy said...

يوووووووووه هي اللي ف بالي جت هنا برضه اسيبها و ارتاح منها فين مش عارفه خايفه اروح الكوكب التاني الاقيها!!
المهم يا جي بجد بوست جميل اووووووي فعلا للاسفه ممكن الواحد يدي حد معين ثقه و يبني حياته معاه و ف ثانيه و بدون أي مقدمات فررررركش :(

Yasmen Refaat said...

GE really mush adra asda2a enik sayba "teeeet" te2ol keda 5aaaless?!!
[-(

Hayam said...

في ناس كتير جدا طيبين وعايشين في الدنيا وحوالينا وبنحس بيهم وبنلاقيهم معانا وبنحسد نفسنا عليهم وبنديهم الثقة وبنآمنهم على حياتنا ومابنخافش منهم ..مش لازم نضرب على قفانا يعني.. ربنا يرزقك ويناولك حد منهم ..اما انا بقى فبحمد ربنا طول الوقت على اني حياتي موجود فيها حد كده .. حد مايتوصفش بكلام حد بحبه جدا وبيحسسني بكل الحاجات لي محتاجاها فحياتي .. بوست كان قريته فوقته بالنسبة الي .. تحياتي

Post a Comment

 
Copyright 2009 Thoughts. Powered by Blogger
Blogger Templates created by Deluxe Templates
Wordpress by Wpthemesfree